Ek ajeeb sa ehsaas hota hai jab pehla aur sachha wala pyar milta hai. Zindagi manoo rangeen honey lagti hai. Sab kaisa badla badla sa lagta hai. Ek ajeeb sa nasha sa chane lagta hai hawao mein. Kabhi khul ke udne ko jee karta hai aur kabhi man karta hai ki jor se chilla ke kahoon ki, “haan mujhe pyar ho gaya hai”.

Lekin sir ye pyar hona bhi ek alag kahani likh dalti hai . Ek puri kitab hi likhi jaa sakti hai kisi se mulakaat hone se lekar pyaar ho jane tak. Meri bhi aisi hi ek kahani hai jo sirf mai hi janta hoon. Wo ehsaas, wo lamha, wo dard aur dard ke baad milne  wali khusi. Jo sirf mai hi samajh sakta hoon aur jaroorat padi to samjha sakta hoon. Jab usse mila to muhje ye pata nahi tha ki meri manzil kahaan aake rukegi. Lekin aalam ye hai ki ab “mai” se “hum” ban gaye hai. Aur ye hone mein kuch zyada waqth nahi laga tha. Lekin uss kam waqth mein bhi mai ek puri zindagi jee liya tha.

Kabhi-kabhi achanak unn hi sochne lagta hoon ki, itni kam waqth me bhi itna gehra pyar kaise ho sakta hai? Par jawaab kabhi nahi mil pata hai. Lekin uss chote se pal ka aaj bhi ehsaas hai mujhe. Yaad hai mujhe jab mai pehli baar mai college ke sidhiyon par dekha tha. Fir class room mein ek nigah se dekhe jaa raha tha mano sirf mai wo hi class mein baithe hue hai. Puri duniya jaise sannate mein simat gayi thi. Wo dil mein gudgudi’ wo ek ajeeb si bechaini, jab yaad karta hoon tab kahin se ek muskaan mere chehre par aa jati hai.

Fir yaad aata hai wo dard jab use jaana pada tha mujhe chhor kar apne kaam ke liye lekin dono seeney mein dard liye chup the. Na keh paa raha tha aur naa hi seh paa raha. fir silsila chalta raha aur hum dono ek hokar kafi dur tak aa gaye hai. Aur jab kisi karan se humare beech koi matbhed hota hai to kuch pall ke liye gusse mein to rehte hai lekin fir wo saare pall yaad aa jate hai jab hum pehli baar mile the tab muskaan dono ke chehre par fir wapas aa jati hai.

Kayi mod aye ab tak, kayi muskillen aayi lekin fir bhi hum dono haathon me hath thame chalte rahe. Aur ye kehte rahe agar hum hath hai to har badi muskil bhi humse haar mane gi. Agar aisa haath agar tumhe mile to kabhi jaane mat do. Kya pata wo tumhari zindagi hi badal de. Jaise bhi ho use thame rakho kyunki agar wo hath chala gaya to uska dard marham kabhi nahi dhoond nahi paoge.

–Dhanyawaad

Kayitha.

Advertisements

About ThePritamBiswas

Poet, Writer and Blogger

2 responses »

  1. Only kabir says:

    behtreen writes…👌

    Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s